المقابلة الشخصية: الحل اذا ماعرفتي الجواب؟


إذا سبق وسويتي مقابلة شخصية، يمكن انسألتي سؤال وماعرفتي تجاوبيه أو اذا هذي أول مقابلة لك عشان تكوني في safe side لازم تعرفي لو انسألتي سؤال وماعرفتي جوابه، ايش تجاوبين؟!!

فيه حالتين تكوني فيها ماانتي عارفة الجواب؛

أول حالة: إذا كان ماعندك خبرة أو فكرة عن الشي الي تنسألي عنه.

مثال:

روضتنا معتمدة من البكالوريا الدولية وحنا نتبع برنامج pyp. هل عندك فكرة عنه؟

لنفترض أنك ماتعرفي برنامج pyp. حتجاوبين كالتالي:

صراحة ماعندي خبرة مع برنامج pyp ولكن أنا على أتم الاستعداد أني أتعلمه وأسوي أي شي ممكن حتى افهمه بسرعة. كم تتوقعي يأخذ مني؟ بعد ماتجاوبك، اسألي عنه مثلاً: انتم تستخدمون هذا المنهج في كل الصفوف؟ عشان تشوف أنك مهتمة للموضوع.

السؤال طبعاً ممكن يكون منهج ، أداة، فكرة، أي شي يتعلق بمجالك.

ولكن انتبهي اذا كانت الروضة مثلاً تتبع منهج منتسوري وأنتي تقولين ماعندي خبرة أو ماأعرفه، كيف حيوظفونك؟ لذلك اقري عن الروضة أو المدرسة قبل لا تروحين عندهم.

الحالة الثانية: انك مافهمتي السؤال. ومافي داعي انك تخجلي أو ترتبكي، بس قولي لها:

ممكن تعيدي السؤال؟

أنا فاهمة سؤالك، بس من فين تبغيني ابدأ ؟

اش تقصدي من هذا السؤال؟

ممكن تحددي لي أكثر؟

طيب لنفترض أنك جاوبتي بس حسيتيها محتارة ومن تعابير وجهها مو هذا الجواب ألي تبغاه، ممكن تقولي لها:

أنا حاسة أنه يمكن جوابي ماهو الجواب الي تبغيه!؟ تبغيني أرجع أتكلم عن أي نقطة تحتاج توضيح؟

ان شاء الله استفدتوا من المقال، شاركينا تجربتك. هل قد مريتي في مثل هذا الموقف؟ كيف تصرفتي؟

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s